கருணைமிகு ஆன்மநேய அன்பர்களுக்கு வந்தனம் வள்ளல் பெருமானின் ஆசிகள்.அடுத்து புத்தாண்டு விசுவாவசு சித்திரை முதல் நாளுக்கு இன்னும் இடையில் எழுபத்தி இரண்டு நாட்களே உள்ளன.சத்யயுகம் பூரணமாக ஆரம்பிக்க எழுபத்தைந்து வருடங்களே உள்ளது.இந்த நிலையில் வரக்கூடிய தமிழ் புத்தாண்டு மிக முக்கிய பங்காற்ற உள்ளது.யாம் சொல்வதை புறந்தள்ளாமல் அவரவர் நம்பிக்கையை பெற்ற ஆன்மநேய பெரியவர்களிடம் சத்விசாரம் செய்து ஈடுபாட்டுடன் கடவுளிடம் தம்மை வழிநடத்த வேண்டுங்கள்.புத்தாண்டு அன்று மீனராசியில் பூரட்டாதி நான்காம் பாதத்தில் ஒரு புள்ளியில் அதாவது 331பாகை48.5கலையில் சனியும் இராகுவும் சந்திக்கின்றன.இதன் விளைவு நல்வினையாளர்களுக்கு கோடீஸ்வர யோகம் கூட கிடைக்க கூடும் தீவினையாளர்களுக்கு மரணம் அளவுக்கு கூட விதியமையலாம் யாருக்கு தீவினை அதிகமுள்ளது யாருக்கு நல்வினை அதிகமுள்ளது என்பது இறைவனுக்கு மட்டுமே தெரியும்.அவரவர் மனதிற்கு கூட எட்டாத ஆணவமாயை உள்ள கலியுகத்தின் சந்தி காலம் இது.அன்பர்கள் இந்த நிகழ்வில் கடவுள் நம்பிக்கைக்கும் நல்வினைக்கும் சாட்சியமாக அமைய இந்த வருட பிறப்பிற்கு முன்பாக அருட்பெருஞ்ஜோதி அகவல் படிக்கும் அன்பர்கள் நூற்றி எட்டுமுறை அகவல் படிக்கவும்.ருத்ரம் படிக்க தெரிந்த அன்பர்கள் நூற்றி இருபத்தியோரு முறை ருத்ரம் படிக்கவும்.இவ்விரண்டும் இயலாதவர்கள் தாங்கள் வணங்கும் இஷ்ட தெய்வங்கள் கோயிலில் சென்று தினசரி இருபத்தியோரு சுற்றுகள் வீதம் இருபத்தியோரு நாட்கள் சுற்றவும்.இவ்வாறு சுற்றுவதை திருவாதிரை,சுவாதி,சதயம் நட்சத்திரங்கள் வரும் நாட்களில் ஆரம்பிக்கவும் இந்த வழிபாடு முறையே பூசம்,அனுஷம்,உத்திரட்டாதி நட்சத்திரங்களில் முடிவடையும்,இந்த வழிபாடு நவகிரகங்கள் அல்லது அவற்றுக்கும் மேலான படிநிலையிலுள்ள கோவில்களில் மட்டுமே பலனளிக்கும்,ஏவல் தெய்வங்கள் கோவிலில் உயிர்பலி கோவிலில் சுற்றினால் ஆன்மலாபம் கிட்டாது மனதிருப்தி மட்டுமே கிடைக்கக்கூடும்.இதில் ஜனன ஜாதகத்தில் கும்பராசியில் குரு இருப்பவர்கள் தயவு செய்து கண்டிப்பாக இதில் ஏதேனும் ஒரு பரிகாரத்தை முடித்து விடவும். புத்தாண்டிற்கு பிறகு இதற்கு விதியை மாற்ற இயலாது.இதன்மூலம் நன்மையடைபவர்கள் கண்டிப்பாக ஜீவகாருண்ய ஒழுக்கத்தையும் பரோபகாரத்தையும் கடைபிடிக்க வேண்டி கேட்கும்
ஜோதிமைந்தன்.

-ஜோதிமைந்தன்.

மேலும் படிக்க