கருணைமிகு அன்பர்களுக்கு வள்ளல் பெருமானின் ஆசிகள் சதுர்யுகங்களின் முதல் யுகமான க்ருத யுகத்தில் வான சாத்திரம் விஷ்ணுபடிநிலை வரை உயர்ந்து கர்த்தாவான மகான் ஒருவரால் வடிவமைக்கப் பட்டது அது சமயம் தமது யோக சக்தியால் உயர்ந்த மனிதர்களின் ஆன்மாவிற்கு கோள்கள் கேந்திரமாக வழங்கப் பட்டன முதன் முதலில் விஷ்ணு படிநிலையடைந்த சித்தரால் பிரபஞ்சம் இருபத்தியெட்டு பகுதிகளாக பிரிக்கப் பட்டது.அதனடிப்படையில் அடுத்து வந்த ஞானிகளும் சித்தர்களும் வானசாத்திரத்தை வடிவமைத்து கிரகங்களை கேந்திரமாக கொண்ட நாயகர்களுக்கு ஜோதிட கலையை உருவாக்கி அதனடிப்படையில் மனிதர்கள் உட்பட இந்த சூரிய குடும்பத்தை இயக்கும் விதியை யோக சக்தியால் சட்டமியற்றினர் அதனடிப்படையில் இந்த பூமியில் வாழ்ந்த மனிதர்களும் துல்லியமாக தமது வாழ்க்கையை வடிவமைத்து தர்மம் என்பதை ஆதாரப்பூர்வமாக கொண்டு வாழ்ந்து வந்தனர் அவ்வப்போது தரும நெறி தவறுபவர்களையும் அருளரசாட்சிபெற்ற ஆன்மாக்கள் சரிசெய்து ஆன்மாக்களுக்கு உயர்நிலை வழங்கினர்.இந்த சூழலில் சதுர்யுகத்தின் நான்காவது யுகமான கலியுகத்தின் ஆரம்பத்தில் கலியுக புருஷரான ஸ்ரீகிருஷ்ணர் தமது யுகத்தில் அதர்மங்கள் வரம்புமீறும் அதுசமயம் இப்போது இருக்கும் விண்ணியல்பு விதியான ஜோதிட சாத்திரம் அப்படியே இருந்தால் துல்லியமாக கால கணக்கிட்டு உயிர்களை துன்பத்தில் ஆழ்த்தக்கூடிய எதிர்மறை சக்திகளை கட்டுப் படுத்த இயலாத சூழல் ஏற்படும் என்றறிந்து தம்முடைய விஷ்ணு அம்சத்தைக் கொண்டு இருபத்தெட்டாக பிரித்து வடிவமைக்கப்பட்ட ஜோதிட சாத்திரத்தை இருபத்திஏழாக பிரித்து நட்சத்திர பெயர்களை வழங்கினார்.மேலும் சித்தர்கள் ஞானிகளிடம் வெற்றிக்கு உதவும் நட்சத்திரத்தை மறைத்து அதை பரப்ரம்மம் என்றும் அருட்பெருஞ்ஜோதியர் என்றும் ஞானிகளால்குறிப்பிடப்படும் இயற்கை உண்மை தெய்வத்தை அறிந்த கர்த்தாக்களின் அருளரசாட்சிக்கு உரியவிதியில் அந்த நட்சத்திரம் இயங்கும் எனவும் கூறி அந்த நட்சத்திரத்தின் ஆளுமைத் தன்மையை ஓங்காரத்தாலும் அதை தொடர்ந்து விஷ்ணு படிநிலை வரை கடந்து வந்த ஆன்மாக்கள் பயன்படும் வகையில் விதியமைத்தார்.புராணங்கள் தமது மயிலிறகால் வெற்றி நட்சத்திரத்தை மறைத்தார் என்று கூறுவதாக அறிந்தோம் வெற்றி நட்சத்திரத்தை மறைத்த அடையாளமாகவே ஸ்ரீகிருஷ்ணரின் சிரசுப்பகுதியில் மயிலிறகால் அலங்கரிக்கப்பட்ட வடிவங்கள் சரியை வழிப்பாட்டில் கடைபிடிக்கப் படுகிறது.மேலும் யுக சந்தியில் நாம் வாழ்ந்து கொண்டிருக்கிறோம்.இன்றைய காலகட்டத்தில் கலியுக வாசிகளுக்கு தற்போதுள்ள ஜோதிட சாத்திரப்படி விதியமையும் சத்யயுக மனிதர்களுக்கு அதாவது ஜீவகாருண்ய ஒழுக்கத்திலுள்ள எல்லா உயிர்களும் இன்புற்று வாழ்க எனும் எண்ணமுள்ள மனிதர்களுக்கு தர்ம நெறிமுறையை கருத்தில் கொண்டு வாழும் மனிதர்களுக்கு எவ்வளவு கடினமான நவகிரக விதிப்படியான வாழ்க்கை அமைக்கப் பட்டிருந்தாலும் அதைமாற்றும் உரிமை உண்டு.மயிலிறகு மிக உயர்ந்த யோக சக்தியின் வெளிப்பாடு. வள்ளல் பெருமான் அவர்கள் வானத்தின் மீது மயிலாடக் கண்டேன் மயில் குயில் ஆச்சுதடி என்ற தமது அனுபவத்தை பாடல்மூலமாக வெளிப்படுத்தி சத்ய யுகத்திற்காக மறைத்த வெற்றி விதியை சத்யயுக புருஷராக இறைவனால் அங்கீகரிக்கப்பட்ட வள்ளல் பெருமானால் தமது அருள் வாக்கினால் விதியை சத்யயுக வாசிகளுக்காக மாற்றப்படும் என்று பிரகடனப் படுத்துகிறார். எனவே அன்பர்கள் அவரவர் விதியை பரமாத்மாவின் உருவகமாக பாவிக்கும் ஜோதியின் முன் அமர்ந்து தம்மை சத்ய யுக வாழ்க்கையில் வாழவும் விதியமைத்து தற்போது தாம் அடையும் துன்பங்களை நீக்க விண்ணப்பிக்கலாம்.நவகிரக அவயோக பாதிப்புகள் சுபயோகமாக மாறும்.சுபம்

ஜோதிமைந்தன்.
25-12-2023
காலை 5.55 மணி